Кәсіподақ деген не?

КӘСІПОДАҚ азаматтардың құқықтары мен мүдделерін қорғау, жұмыс жағдайын жақсарту, өмір сүру деңгейін көтеру мен әлеуметтік кепілдікті қамтамасыз ету мақсатында құрылады.

КӘСІПОДАҚ  қызметкерлердің атқаратын жұмысына негізделіп, жалпы өндірістік, кәсіби мүдделеріне байланысты құрылатын бірлестік.

КӘСІПОДАҚ қызметкерлер мен жұмыс берушілердің еңбекке байланысты арақатынасын реттейтін заңды және тәуелсіз өкілі.

КӘСІПОДАҚ немен айналысады?

КӘСІПОДАҚ жұмыс берушілермен келіссөздер жүргізеді, жұмыскерлердің атынан жеңілдіктер мен әлеуметтік кепілдіктер көзделген келісімдер мен ұжымдық шарттар жасап, олардың орындалуын қадағалайды.

КӘСІПОДАҚ еңбек туралы заңнамалардың орындалуына қоғамдық бақылау жасайды.

КӘСІПОДАҚ еңбекті қорғау мен еңбек жағдайларын жақсартуға байланысты қоғамдық бақылау жасайды.

КӘСІПОДАҚ келісім және өндірістегі келеңсіз жағдайларды тексеру жөніндегі комиссиялар арқылы кәсіподақ мүшелерінің мүдделерін қорғайды.

КӘСІПОДАҚ құқықтық мәселелер жөнінде ақысыз кеңестер береді.

Кәсіподаққа қалай кіруге болады

Егер Сіздің жұмыс орыныңызда бастауыш кәсіподақ ұйымы болса, кәсіподақ комитетіне кәсіподаққа мүшелікке қабылдау және мүшелік кәсіподақ жарнасын ұстау туралы өтініш жазу қажет. Мүшелікті дәлелдеу құжаты болып, кәсіподақ комитетімен берілетін кәсіподақ билеті табылады.

Кәсіподаққа кірмес бұрын, Жарғымен және бастауыш кәсіподақ ұйымы туралы ережемен танысуға құқығыңыз бар.

Егер Сіздің жұмыс орыныңызда кәсіподақ ұйымы болмаса, Сіз оны өз бетіңізбен құра аласыз.

ҚР «Кәсіптік одақтар туралы» Заңына сәйкес, бастауыш кәсіподақ ұйымын құру үшін үш адам жеткілікті. Бірақ ол міндетті түрде жергілікті немесе салалық кәсіподақтың құрылымында болуы керек. Бастауыш ұйым заңды тұлға болып құрылмаса да, ол ұйым деңгейіндегі әлеуметтік әріптестікте жұмыскерлердің толыққанды өкілі болып табылады

Салалық бірлестіктің типтік жарғысы

Аумақтық бірлестіктің типтік жарғысы

Кәсіподақ мүшелігіне кірудің типтік өтініші

Кәсіподақ жарнасын ұстау туралы типтік өтініш

Кәсіподақ билетінің типтік үлгісі