Заңды кеңес

Кәсіподақ көмегі:

Қазақстан Республикасы Кәсіподақтар федерациясы Сізге біздің сайтқа өтініш жасағаныңыз үшін алғыс айтады!

Кәсіподақ федерациясы жеке және заңды тұлғалардың өтінішіне байланысты барлық мәселелер бойынша 2007 жылғы 12 қаңтардағы № 221-III «Жеке және заңды тұлғалардың өтініштерін қарау тәртібі туралы» Қазақстан Республикасы Заңын (әрі қарай – Заң) негізге алады.

Заңның 1-бабы 4-т. сәйкес өтiнiш – өтiнiштi қарайтын субъектiге немесе лауазымды тұлғаға жiберiлген жеке немесе ұжымдық жазбаша, ауызша не электрондық құжат, бейнеконференцбайланыс, бейнеөтініш нысанындағы ұсыныс, арыз, шағым, сауал немесе үн қосу.

Өтініш құзыретiне өтiнiште қойылған мәселелердi шешу кiретiн субъектiге немесе лауазымды тұлғаға жiберiлуге тиiс. Жеке тұлғаның өтiнiшiнде – оның тегi, аты, сондай-ақ қалауы бойынша әкесiнiң аты, жеке сәйкестендіру нөмірі, пошталық мекенжайы, заңды тұлғаның өтiнiшiнде оның атауы, пошталық мекенжайы, бизнес-сәйкестендіру нөмірі көрсетiледi. Өтiнiшке жеке тұлға немесе заңды тұлғаның өкілі қол қоюға тиiс.

Шағым жасалған кезде iс-әрекетiне шағым жасалып отырған субъектiнiң атауы немесе лауазымды тұлғалардың лауазымы, тегi және аты-жөнi, өтiнiш жасау себептерi мен талаптары көрсетiледi.

НАЗАРЛАРЫҢЫЗҒА:  қарауға жатпайды:

  • мұндай өтiнiште дайындалып жатқан немесе жасалған қылмыстық құқық бұзушылықтар туралы не мемлекеттiк немесе қоғамдық қауiпсiздiкке төнетiн қауiп туралы мәлiметтер бар және мемлекеттiк органдардың құзыреттерiне сәйкес оларға дереу жiберiлуге тиiс жағдайларды қоспағанда, иесi бүркемеленген өтiнiш;
  • мәселенiң мәнi баяндалмаған өтiнiш.

Өтiнiш құзыретiне өтiнiште қойылған мәселелердi шешу кiретiн субъектiге немесе лауазымды тұлғаға жiберiлуге тиiс. Өтiнiште қойылған мәселелердi шешу құзыретiне кiрмейтiн субъектiге немесе лауазымды адамға келiп түскен өтiнiш субъектiге, лауазымды адамға келiп түскен күнінен бастап үш жұмыс күнiнен кешiктiрiлмейтiн мерзiмде тиiстi субъектiлерге жiберiледi, бұл туралы өтініш берушiге хабарланады.

Заңның 7-бабында белгiленген тәртiппен берiлген өтiнiштер мiндеттi түрде қабылдануға, тiркелуге, есепке алынуға және қаралуға тиiстігі белгіленген.

Біздің біріккен қызметіміздің ең маңызды аспектілерінің бірі қазіргі заңнамамен белгіленген мерзімде сіздің өтінішіңізге толыққанды жауап беру болып табылады.

Сіздің өтінішіңіз біз үшін маңызды!

Бізге жазыңыз
Сіздің сұрақтарыңызға біздің мамандар жауап береді:
333
222
111
1098_oooo.plus
Ержан
Егембердиев
  • Заң ғылымдарының кандидаты
  • Қазақстан Республикасы Жоғарғы Сотының жанындағы Әділет Академиясының азаматтық іс жүргізу кафедрасының доценті
Бибігүл
Нұрашева
  • «Құқықтану» мамандығы бойынша философия докторы (Ph.D)
  • Каз-ГЗУ «Азаматтық, кәсіпкерлік және азаматтық іс жүргізу құқығы» кафедрасының доценті;
Дәрмен
Сакенов
  • Ұжымдық және еңбек даулары бойынша сарапшы
  • медиатор
Мүслім
Хасенов
  • «Құқықтану» мамандығы бойынша философия докторы (Ph.D)
  • Л.Н.Гумилев атындағы Еуразия ұлттық университетінің “Азаматтық және экологиялық құқық” кафедрасының доценті